რეზო კვესელავა, (1933-2024) – ქართველი ლიტერატორი, კინოდრამატურგი და პედაგოგი. დაიბადა და გარდაიცვალა სოფელ ნახარებაოში, მარტვილის რაიონი. დაამთავრა თბილისის უცხო ენებისა და ლიტერატურის ინსტიტუტის გერმანისტიკის ფაკულტეტი. მრავალი წლის მანძილზე­ მუშაობდა კინოსტუდია »ქართული ფილმის« რედაქტორად. არის არაერთი ქართული ფილ­მის სცენარის (თანა)ავტორი: »ვედრება« (1967), »XIX საუკუნის ქართული ქრონიკა« (1978), »გზა შინისაკენ« (1981), »მონანიება« (1984), »ჭერი« (2004), »კნუტ ჰამსუნის კავკასიური მისტერიები« (2006) და სხვა. 2008 წელს სა.გა.-მ გამოსცა მისი პრიველი წიგნი »მოგონებები ქართველ კინემატოგრაფისტებზე«, სადაც თავმოყრილია სხვადასხვა დროს ქართულ ჟურნალ-გეზეთებში გამოქვეყნებული მისი მემუარული სტილის წერილები ქართველ კინოხელოვნებზე. ასევე ავტორია წიგნებისა: »საგნები ჩვენთვის« (2012), »სანამ თქვენთან ვარ. მარტვილური ჩანაწერები« (2024). ეწეოდა პედაგოგიურ (ივ. ჯავახიშვილის სახელო­ბის თბილისის სახელმწიფო უნივერსიტეტი) და­ მთარგმნელობით (ნ. ბერდიაევი, კ. ჰამსუნი, ვ. ნა­­­ბო­კოვი, ლ. ფოიხტვანგერი და სხვა) საქმიანობას.